Merge pull request #114 from lipu-tenpo/sin/nanpa-lawa

Sin/nanpa lawa

.eleventy.js

@@ -144,15 +144,7 @@ module.exports = function (eleventyConfig) {
   // helpers for use in markdown (toki)
   // pu - link to nimi pi pu ala
   eleventyConfig.addHandlebarsHelper("pu", (nimi) => {
-    // open `nimi-pi-pu-ala.yaml`
-    let pu = yaml.safeLoad(
-      fs.readFileSync(`./_data/nimi-pi-pu-ala.yaml`, "utf8")
-    );
-    // check if nimi is in pu
-    if (!pu[nimi]) {
-      throw Error(`could not find ${nimi} in "./_data/nimi-pi-pu-ala.yaml"`);
-    }
-    return `<sup><a href="/sona#${nimi}">(pu)</a></sup>`;
+    return `<sup><a href="/sona#nimi-pi-pu-ala">(pu)</a></sup>`;
   });
   // sitelen - use an image with filename, alt text, and author
   eleventyConfig.addHandlebarsHelper("sitelen", (file, alt, author) => {
@@ -185,6 +177,15 @@ module.exports = function (eleventyConfig) {
     return `rgb(${cap(r)}, ${cap(g)}, ${cap(b)})`;
   });
 
+  // get nanpa-xxx tokis from folder
+  eleventyConfig.addHandlebarsHelper("xxxfiles", () => {
+    let all_files = fs
+      .readdirSync("./toki/nanpa-xxx/")
+      .filter((file) => file.split(".").at(1) != "json")
+      .map((file) => file.split(".").at(0));
+    return all_files;
+  });
+
   // image shortcode - reduce filesize etc
   //  use like {{ eleventyImage "images/blah.jpg" "classes" "alt" 300 }}
   eleventyConfig.addShortcode("eleventyImage", imageShortcode);

_data/lipu_ale.yaml

@@ -1,3 +1,10 @@
+- id: 28
+  title: nanpa lawa
+  date: 2024-09-04
+  pdf: "0028lawa.pdf"
+  pdf_pf: "0028lawa_pf.pdf"
+  pdf_bwpf: "0028lawa_bwpf.pdf"
+  cover_image: "0028lawa_sinpin.png"
 - id: 27
   title: nanpa linja
   date: 2024-07-05

nanpa-xxx.hbs

@@ -0,0 +1,12 @@
+---
+permalink: "/toki/nanpa-xxx/"
+layout: page
+---
+<h2>nanpa xxx (toki li kama sin)</h2>
+{{#each (xxxfiles)}}
+<ul>
+    <li>
+        <a href="{{this}}">{{this}}</a>
+    </li>
+</ul>
+{{/each}}

public/stylesheet-toki-wan.css

@@ -66,3 +66,7 @@ p:has(.image) {
   background-color: var(--bg-subtle);
   font-style: italic;
 }
+
+.nimi hr {
+  width: 100%;
+}

toki/nanpa-lawa/kijetesantakalu-o.md

@@ -0,0 +1,7 @@
+---
+nimi-suli: kijetesantakalu o!
+jan-pali: jan Ke Tami
+tags:
+  - musi
+---
+{{{sitelen "0028_lawa_kijetesantakalu-o.png" "kijetesantakalu o comic" "jan Ke Tami"}}}

toki/nanpa-lawa/lawa-poki-sin.md

@@ -0,0 +1,13 @@
+---
+nimi-suli: lawa poki sin
+jan-pali: jan Alonola
+tags:
+  - sona
+---
+sina lon ma Elopa la sina sona e lawa poki sin. sina wile moku e telo tan poki li open e ona, ike a! lawa poki li weka ala li awen lon ona. ni li tan seme? 
+
+{{{sitelen "0028_lawa-poki-kule.png" "drawing of plastic water bottle with cap open" "jan Alonola"}}}
+
+kulupu lawa pi ma Elopa li pali e toki lawa sin ni: poki kiwen ale o wan o tu ala. sina ken weka e lawa tan poki la ona li tu. ma mute la poki telo li pini la jan li pali e poki sin kepeken poki jaki. lawa poki li weka tan poki la ona li jaki e ma. kin la jan li ken ala kepeken e ona tawa poki sina anu ijo ante. 
+
+taso mi la ni ale li nasa. mute a la lawa poki li awen lon tenpo pini kin! kin la ona li nasa tawa uta mi. lawa sin ni li lili ala e jaki tan poki kiwen. mi la jan o kepeken e poki lon tenpo mute o pali sin ala e ona. taso lawa sin ni li ike ala. ken la tenpo kama la jan li kepeken e poki telo lon tenpo mute li pali ala e jaki mute.

toki/nanpa-lawa/nanpa-lawa.11tydata.json

@@ -0,0 +1,4 @@
+{
+  "tags": ["nanpa lawa"],
+  "date": "2024-09-04"
+}

toki/nanpa-lawa/o-pali-e-telo-kili-jelo.md

@@ -0,0 +1,40 @@
+---
+nimi-suli: o pali e telo kili jelo
+jan-pali: jan Nowa
+tags:
+  - sona
+---
+sina mute la seli li lon ma sina. seli la telo lete li pona mute tawa mi a! ken la ona li pona tawa sina kin. ni la mi pana e sona ni: nasin pali pi telo kili jelo. ale la mi kepeken nasin ni. tenpo pini la mi pali e telo kili jelo la suwi li awen ko lon telo. suwi en telo li kama ala wan. taso nasin ni la suwi en telo li wan.
+
+{{{sitelen "0028_telo-jelo-kule.png" "drawing of lemonade" "jan Alonola"}}}
+
+mi jan lili la mi esun e telo kili lon ma tomo mi. mi en mama mi en mama majuna mi li pali e ona kepeken nasin ni. mi tawa e poki pi telo jelo tawa sinpin pi tomo mi li sitelen e ni lon supa: "o esun e telo kili mi!" mi awen tawa kama jan. taso la mi kama jo e mani pi lili taso. ni li tan ni: mi moku e telo kili mi li esun lili e ona. ona li pona suli la mi wile moku e ona li wile ala pana e ona tawa jan ante!
+
+sina mama tawa jan lili (anu sina jan lili!) la ken la sina wile esun e telo kili jelo. ante la sina wile moku taso. ni ale la toki sona ni li pona tawa sina. o awen lukin!
+
+sina wile e ijo ni:
+
+- telo
+- ko suwi
+- telo tan kili jelo. (sina ken weka e ona tan kili jelo. ante la sina ken esun e telo ni tan tomo esun. nasin ale li pona!)
+
+suli pi ijo ale ni o sama.
+
+sina wile e telo lete kin. suli ni li ken nasin mute. jan ante li ken wile suwi pi wawa ante.
+
+nasin pali li ni:
+
+- o pana e ko suwi e telo pi suli sama tawa poki. poki o ken kama seli mute.
+- o pana e poki tawa seli.
+- o sike e ona tawa tenpo ni: suwi li ko ala. suwi en telo o kama wan.
+- o weka e ona tan seli.
+- o awen tawa ni: poki li kama seli ala.
+- o pana e ona tawa poki sin. sina o wile pana e poki ni tawa lete.
+- o pana e telo kili jelo tawa ona. o sike e poki.
+- o len e sewi ona. o lete e ona.
+- sina wile moku e telo kili suwi sina la o pana e telo jelo sina pi suwi mute tawa poki lili.
+- o pana e telo lete tawa ona. o pana e telo lili o uta e ona. ona li suwi pi wawa ike tawa sina la o pana e telo sin. o ni tawa ni: suwi telo li wawa pona tawa sina.
+- sina wile la o pana e kiwen lete.
+- sina wile la o pana e telo nasa lili. tenpo mute la mi ni kin ;)
+
+o moku pona! mi wile e ni: ona li lete e sina lon tenpo seli.

toki/nanpa-lawa/seme-li-mi.md

@@ -0,0 +1,25 @@
+---
+nimi-suli: seme li mi?
+jan-pali: jan Alonola
+tags:
+  - musi
+---
+{{{sitelen "0028_seme-li-mi-kule.png" "drawing of the below riddle" "jan Alonola"}}}
+
+sina oko e sijelo mi  
+loje walo li lon selo ni  
+mi jo ala e len  
+taso mi jo e n  
+linja sike monsi  
+
+mi moku e ijo mute  
+mi a ken pona kute  
+taso nena mi  
+li wawa suli  
+mi ken pilin e kon ale  
+
+jan li jo e mi a la  
+mi mani pi suli ala  
+jan li toki e ni:  
+mi lon telo jaki  
+taso mi la jaki ala  

toki/nanpa-lawa/sona-pi-ken-ala.md

@@ -0,0 +1,68 @@
+---
+nimi-suli: sona pi ken ala
+jan-pali: jan Nikola
+tags:
+  - sona
+---
+**ilo sona li kama la**, sona suli li kama ken. sina wile sona e ijo la, sina ken toki tawa ilo sona. ni la, ilo sona li ken alasa lon kulupu suli pi ilo sona, anu ona li ken pali e sona sin. ken la, sina wile tawa tomo esun mute. sina wile sona e ni: nasin seme li ken lili e tawa sina? ilo sona li ken pali e sona ni. taso sona ale li ken ala ken? tenpo lili la, sona li ken ala…
+
+## toki nasa
+
+ken la, tenpo pini la sina kute e toki nasa sama ni:
+
+> toki ni li lon ala.
+
+toki ni li nasa. toki ni li lon la, toki ni o lon ala. toki ni li lon ala la, toki ni o lon. ni la, toki ni li lon ala lon? ni li sona pi ken ala. toki nasa ni li tan tenpo pini mute tan ma Elena. nimi ona li “sona pi ken ala tan ma Kisi (Κρήτη)”. toki musi pi tenpo pini mute la, jan sona Pilita (Φιλίτας ὁ Κῷος) li moli tan ni: ona li toki insa mute e toki nasa ni, li lape ala tan ni.
+
+sona ante pi ken ala li lon. toki musi la,
+
+> akesi ike li weka e soweli lili tan soweli mama. akesi li toki tawa soweli mama: “mi kama pali e ijo kepeken soweli lili sina. sina ken sona pona e pali kama mi la, mi moku ala e soweli lili sina a!” soweli mama li toki: “sina kama moku e soweli lili”.
+
+ni li sama: seme li kama? akesi li kama moku la, soweli mama li sona pona la, akesi li kama ala moku. akesi li kama ala moku la, sona pi soweli mama li ike la, akesi li kama moku e soweli lili a!
+
+sona pi ken ala li musi tawa mi. mi ken pana e toki nasa ante:
+
+> jan sewi li wawa. ona la, ale li ken. ni la, ona li ken ala ken pali e kiwen pi suli ni: kiwen li suli suli suli la, jan sewi li ken ala tawa e ona.
+
+ona li ken pali e ona la, ale li ken ala; ona li ken ala tawa e kiwen. ona li ken ala pali la – lon a! – ale li ken ala kin. taso, wawa pi jan sewi la, ale o ken…
+
+## open lipu la, sina toki e ilo sona tan seme?
+
+sina kama sona e ni: sona li ken ken ala. tenpo sike pini nanpa 1936 la, jan Alan Tuwin (Alan Turing) li pana e sona suli. nasin pi ilo sona li *ken ala* pali e sona ale. ona li toki e sona ni:
+
+> ilo sona li pali la, ken li tu:  
+> **wan)** ilo li pali, li pini pali  
+> **tu)** ilo li awen pali lon tenpo ale, li pini lon tenpo ala  
+> mi toki tawa ilo sona: o lukin e nasin pali pi ilo sona ante. o toki e ni tawa mi: ilo sona ante li kama ala kama pini e pali ona?
+
+lukin la, toki ni li nasa ala, anu seme? taso, nasa li len… tan wile sona ni la, sona pi ken ala li kama. jan Alan Tuwin li toki e sona suli ni kepeken wile sona ante. ilo sona li ken sona e pini pali pi ilo ante la, seme li ken? ilo sona li ken sona e ni la, ilo nasa li kama ken. ilo nasa li pali e ni:
+
+> **wan)** o lukin e nasin pali pi ilo sona ante  
+> **tu)** ilo sona ante li kama pini e pali ona la, o awen pali lon tenpo ale  
+> **tu wan)** ilo sona ante li pini ala e pali ona la, o pini pali  
+
+ilo li nasa tan ni: sina ken toki tawa ilo ni “o lukin e nasin pali *sina* pi tenpo ni: sina lukin e nasin pali *sina* a”. sina toki e ni la, ilo nasa li pini ala pini? pini la, ona o pini ala. pini ala la, ona o pini a! lon la, ni li sona pi ken ala. tan ni la, ilo nasa ni li ken ala lon.
+
+ken la, ilo ante sama ilo nasa li ken sona e pini pali pi ilo sona ante lon tenpo mute. ken la, ona li ken sona lon tenpo lili taso. taso mi sona e ni: ona li ken ala sona lon tenpo *ale*.
+
+{{{sitelen "0019_alan_turing.png" "drawing of Alan Turing" "jan Alonola"}}}
+
+## ni li musi taso, anu seme?
+
+ken la sina pilin e ni: “ni ale li musi. taso ni li pona ala tawa ilo pi ma lon. wile sona mi li nasa ala la, sona ale pi wile mi li ken.” taso, wile sona li nasa ala tawa oko sina la, ona li ken len kin e sona pi ken ala.
+
+mi la, sina sona e ni: tenpo pi mute lili la, jan ike li pali e jaki pi ilo sona. sina kama jo e jaki ni la, jaki li ken pakala e ilo sona sina. ken la, ona li weka e lipu ale sina. ken la, sina o pana e mani tawa jan ike tawa ni: sina kama jo sin e lipu sina. taso pona la, ilo pi weka jaki li lon. ilo pi weka jaki li alasa e sona ni: jaki li lon ala lon ilo sona?
+
+jan li ike la, ona li ken wile e ni: ilo sona sina li kepeken wawa mute mute mute tawa ala. ona li kama pakala tan ni. ni la, jaki li ken awen pali lon tenpo ale kepeken ilo sona sina. ilo pi weka jaki li ken ala ken sona pona e jaki sama ni lon tenpo ale? tan sona suli pi jan Alan Tuwin la, ken ala a! ken la, ona li sona e jaki *mute mute*, taso ona li ken ala sona pona e jaki ale. jan li pali e ilo pi weka jaki la, ona o sona e ni: ilo ona li ken ala weka e jaki ale. ona li awen ike lili lon tenpo ale.
+
+sona pi ken ala li ike tawa ni, li ike tawa ijo ante kin. tenpo sike 2020 la, jan li pali e sona sama tawa musi *wawa nasa: kulupu* (Magic: The Gathering). musi supa ni li kepeken lipu lili mute tawa utala. musi li open la, sina ken jo e lipu lili utala pi ike suli. sina wile sona e ni: mi ken ala ken anpa e jan ante kepeken lipu lili mi? ken ala la, sina wile ala utala.
+
+ike la, ni li sona pi ken ala. ni li tan ni: musi *wawa nasa: kulupu* li suli suli la, jan li musi e ni la, ona li pali wawa li pali sama ilo sona. jan li musi la, ona li pali e sona pi pini musi. pali ni li kama ala kama pini? ken la, ala. ni la, sona suli pi jan Alan Tuwin la, ilo ante li ken ala sona e ni: ona li lukin e musi sina li sona e pini ona.
+
+*lipu li pana e sona tan lipu ni:*
+
+- lipu Wikipesija pi toki Inli: Philitas_of_Cos, Crocodile_dilemma, Omnipotence_paradox
+
+- lipu pi tomo sona Kan <https://www.khanacademy.org/computing/ap-computer-science-principles/algorithms-101/solving-hard-problems/a/undecidable-problems>
+
+- lipu Wesi: <https://www.reddit.com/r/magicTCG/comments/bgiz6j/magic_the_gathering_is_turing_complete/>

toki/nanpa-lawa/tenpo-kulupu-pi-lipu-tenpo.md

@@ -0,0 +1,30 @@
+---
+nimi-suli: tenpo kulupu pi lipu tenpo
+jan-pali: jan Alonola en jan Sonatan
+tags:
+  - kulupu
+---
+
+tenpo pini lili la jan mute pi toki pona li kulupu tan ni: jan Ke Tami li open e tenpo kulupu pi toki pona pi ma Elopa. tenpo sike tu pini la tenpo kulupu li lon ma tomo Win lon ma Eselasi li lon ma tomo Mase lon ma Netelan. tenpo sike ni la ona li lon ma tomo Pelin lon ma Tosi.
+
+ma tomo Pelin la tenpo kulupu pi lipu tenpo li lon. jan pali mute pi lipu tenpo li kulupu lon tomo moku. jan pali ante li kama lon kulupu ni kepeken linluwi. jan mute li lon la jan li ken toki li ken anu e ijo pi lipu tenpo. o kama sona e ijo ni.
+
+tenpo sike pini la jan ni li open e kulupu pi lawa Tosi pi lipu tenpo: jan Kekan San en jan Sonja en jan Eli en jan Alipi en jan Alonola en jan Simo en jan Ke Tami en jan Sonatan. kulupu ni la jan sin tu wan li kama: jan Kasape en waso seli en jan Simiman. ni la jan luka luka wan li lon kulupu ni pi lipu tenpo.
+
+tenpo pini la jan Sonatan en jan Alonola li jan lawa kulupu. kulupu pi lipu tenpo li ken toki e wile ona lon tenpo kulupu. ona li toki e ni: jan lawa tu wan o lon. jan Sonatan en jan Alonola o awen lawa. jan Alipi o kama lawa kin. jan Alipi o lawa pona!
+
+kin la jan Sonatan en jan Alonola li toki e ni: jan pali pi lipu tenpo o, sina pali pona. suli la jan ni li pali mute pona lon tenpo sike pini:
+
+- jan Alipi li open pana e lipu tenpo tawa jan ante li toki e lipu tenpo lon linluwi.
+- jan Alonola li lawa e kulupu li sitelen e sitelen li sitelen e toki tawa lipu tenpo.
+- jan Juwan li pali e lipu linluwi li weka e pakala toki.
+- jan Kasape li pali e selo lipu li pali e ijo mute ante.
+- jan Ke Tami li sitelen pona e sitelen li sitelen kin e toki mute.
+- jan Simo li sitelen e sitelen sinpin pona pi lipu tenpo.
+- jan Sonatan li lawa e kulupu li sitelen e toki tawa lipu tenpo.
+- jan Peja li awen e lipu linluwi.
+- jan Eli li weka tan pali pi lipu tenpo. taso ona li pona kin a!
+
+taso jan ante mute kin li pali pona e lipu tenpo. sina ale li pona kin tawa mi mute!
+
+kin la mani mute li lon tan esun lipu. ni la mi ale li wile pana e mani ni tawa ijo pona. nanpa wan la mi pana e ona tawa pali lipu. mani ante li ken tawa ijo pona pi toki pona. taso ijo pona seme? len en lipu suli li en ijo pona mute li ken. pali en mani pi lipu tenpo la sina wile e ijo pona seme? o kama jan pali pi lipu tenpo o toki tawa mi. kulupu o awen pali pona!